ЈОГА ЦЕНТАР – ТАФТАЛИЏЕ, СКОПЈЕ

Друштво за телесна и духовна благосостојба
Работи од 1996 година под водство на Лидија Георгиева

Духовна благосостојба е да сме восхитени од животот, полни со ентузијазам, љубов и радост! Поврзани со другите и светот што нѐ опкружува.

Наша мотивација е да се поттикнува личниот развој.

Да се најде внатрешна рамнотежа во секојдневието.
Да се подобри здравјето, да се урамнотежи умот и да се поттикне љубовта, за себе, за другите, за планетата.

Јога центарот е место каде што може да се дружите со луѓе кои трагаат по нови сознанија, кои учат како да се носат со животните искушенија, кои може да ве поддржат и охрабрат во моменти кога го губите еланот.

Богатството на Центарот се неговите практиканти и сите нивни мали и големи победи: постигнат внатрешен мир, нови пријателства, надминување на здравствените проблеми, зголемена виталност, поголема толерантност, повеќе елан за работа, ведрина…

Логото на Јога центарот е цртеж на академскиот сликар Васко Ташковски.